Kuch Likha Kya?
Kuch likha kya, in dino?
Aree kahan, mood hi nahi bana.
Likha karo, roz kuch na kuch, Gulzaar sahab ko dekho,
Kehte hain, “Mein peshe se lekhak hun,
To roz kuch na kuch to likhna hi padega, sahab.”
Dekho Neelesh Mishra storyteller ko hi lo,
Roz ek nayi kahani lekar haazir hota hai,
Sanjay Sinha ko dekho SSFB family ke liye,
Tadke hi ek nayi baat kehta hai,
Aur to aur apne Abhinav Nagar ko hi lo,
Har ravivaar ‘kavivaar with Abhinav Nagar’ sunata hai na?
Aur tum? Tum ho ki mood nahi banta.
Niruttar si, sar jhuka kar aage badi,
Par sui vahi atak gayi,
Ki mann to mera bhi karta hain,
Muh andhere uth jaun, ek badiyaa-si chai ka cup haath me le,
Baith jaun balcony me,
Ek haath me pen ho, god me ho diary,
Ek nazar kabhi balcony ke bahar to kabhi diary ke panno me kuch ahsaaso ko utarti.
Par, par kahan ho pata hain ye sab,
Jabse zimmedariyoon ko seriously liya,
Tab se kabhi chai me aaye ubaalo ki tarah kuch likhane ka josh aaya bhi,
Fir thandi hoti chai ke saath thanda hota chala gaya,
Cooker ki siti ki tarah do-char khayal aaye bhi to, vo bhaap me hi udan-chu ho gaye,
Kabhi roti belte-sekte, kahani ka plot bana bhi to, vo palethan me hi reh gaya,
Gravy ko dhimi-dhimi aanch me pakate-pakate, ek acchi romantic kavita bani bhi,
To door-bell ki aawaz me kahin gum ho gayi,
Morning-walk par bhi kabhi retirement age wale watchman ko dekhkar ,
To kabhi hero se dikhte paperwale ko dekhkar, kabhi itne salo se maintain ‘Ganga’ maid ko dekhkar, kitni hi kahaniyaa sujhi,
Jab tak ghar pahunch kar ve kagaz par utarti, uske pahle hi ve walkaway kar gayi,
Aur main ek baar fir drawing-room me baithkar, jutte ke fite kholte soch rahi hun,
Kahan se kaam shuru kiya jaye….
Our country, India has ample of aspiring writers and poets who love writing for the sheer unconditional love for the written verse. Here is a poem by Pallavi Mehta, a Mumbai based event manager and singer that delicately touches upon the life of several housewives and women in India.
The poem is about a married woman who wishes to write something but is always stuck in her mundane life chores and can’t complete her wish to write. The irony of her life is that she always keeps thinking about it and sees a new writing topic even in her daily routine things. Her near-dear ones keep asking her to write and encourage her along the way.
Get listed & collaborate with us:
Write to us at email@example.com if you’d like to get listed, featured & collaborate with us at The Lifestyle Portal.